ಡಾ|| ರಾಜ್ ಕುಮಾರ್‍ - ೮೦

ಸಂತ ಜ್ಞಾನೇಶ್ವರ ಹಾಗೂ ಸಂತ ತುಕಾರಾಂ ಪಾಲಖೀ ಉತ್ಸವ - ಪಂಢರಾಪುರ ಯಾತ್ರೆ

ಸಂತರ ಭೂಮಿ ಎನಿಸಿಕೊಂಡಿರುವ ಮಹಾರಾಷ್ಟ್ರದಲ್ಲಿ, ಪ್ರತಿ ವರ್ಷ ಜ್ಯೇಷ್ಠ ಮಾಸದ ಕೃಷ್ಣ ಪಕ್ಷದಲ್ಲಿ ಮರಾಠಿಗರು ಪಂಢರಾಪುರಕ್ಕೆ ಯಾತ್ರೆ ಕೈಗೊಳ್ಳುತ್ತಾರೆ. ಅದಕ್ಕೆ 'ವಾರಿ' ಎಂದು ಹೆಸರು. ವಾರಿಗೆ ಹೋಗುವವರು 'ವಾರಕರೀ'ಗಳು. ವಾರಕರೀ ಸಂಪ್ರದಾಯ ಮಹಾರಾಷ್ಟ್ರದ ವಿಶಿಷ್ಟ ಸಾಂಸ್ಕೃತಿಕ ಪರಂಪರೆಗಳಲ್ಲಿ ಒಂದು. ಈ ನಾಡಿನ ಈರ್ವರು ಸಂತ ಶ್ರೇಷ್ಠರು ಸಂತ ಶ್ರೀ ತುಕಾರಾಂ ಹಾಗೂ ಸಂತ ಶ್ರೀ ಜ್ಞಾನೇಶ್ವರರ ಪದುಕೆಗಳನ್ನು ಹೊತ್ತ ಪಲ್ಲಕ್ಕಿ ರಥಗಳು ಈ ಯಾತ್ರೆಯ ಮುಂಚೂಣಿಯಲ್ಲಿರುತ್ತವೆ.

ಸಂತ ತುಕಾರಾಮರ ಕರ್ಮಭೂಮಿಯಾದ ದೇಹುವಿನಿಂದ 'ಸಂತ ತುಕಾರಾಂ ಪಾಲಖೀ' ಹೊರಟರೆ, ಸಂತ ಜ್ಞಾನೇಶ್ವರರ ಐಕ್ಯ ಸ್ಥಳ, ಆಳಂದಿಯಿಂದ 'ಸಂತ ಜ್ಞಾನೇಶ್ವರ ಪಾಲಖೀ' ಹೊರಡುತ್ತದೆ. ದೇಹು ಪುಣೆಯಿಂದ ಉತ್ತರಕ್ಕೆ ಸುಮಾರು ೨೫ ಕಿಮೀಗಳ ದೂರದಲ್ಲಿದ್ದರೆ, ಆಳಂದಿ ಪುಣೆಯ ಈಶಾನ್ಯಕ್ಕೆ ಸುಮಾರು ೨೨ ಕಿಮೀಗಳ ದೂರದಲ್ಲಿದೆ. ಎರಡೂ ಊರುಗಳು ಇಂದ್ರಾಯಿಣಿ ನದಿಯ ತಟದಲ್ಲಿವೆ.

ಸಂತ ತುಕಾರಾಮರ ಪಾಲಖೀ ಜ್ಯೇಷ್ಢ ಮಾಸದ ಕೃಷ್ಣ ಪಕ್ಷದ ಅಷ್ಟಮಿಯಂದು ದೇಹುವಿನಿಂದ ಪಂಢರಾಪುರಕ್ಕೆ ಹೊರಡುತ್ತದೆ. ಸಂತ ಜ್ಞಾನೇಶ್ವರರ ಪಾಲಖೀ ಜ್ಯೇಷ್ಠ ಮಾಸದ ಕೃಷ್ಣ ಪಕ್ಷದ ನವಮಿಯಂದು ಆಳಂದಿಯಿಂದ ಪಂಢರಾಪುರದ ಕಡೆ ತನ್ನ ವಾರ್ಷಿಕ ಯಾತ್ರೆಯನ್ನು ಪ್ರಾರಂಭಿಸುತ್ತದೆ. ಎರಡು ಪಾಲಖಿಗಳ ಜೊತೆಗೆ ಮಹಾರಾಷ್ಟ್ರದ ಮೂಲೆಮೂಲೆಗಳಿಂದ ಬಂದ ವಾರಕರೀಗಳು 'ವಾರಿ' ಕೈಗೊಳ್ಳುತ್ತಾರೆ. ಹಲವಾರು ಸುಮಾರು ೩೦೦ ದಿಂಡಿ ಮೇಳಗಳು ಪಾಲಖಿಗಳೊಟ್ಟಿಗೆ, ಯಾತ್ರೆಯಲ್ಲಿ ಪಾಲ್ಗೊಳ್ಳುತ್ತವೆ. ದಶಮಿಯಂದು ಪಾಲಖಿಗಳು ಪುಣೆಯನ್ನು ಪ್ರವೇಶಿಸುತ್ತವೆ. ಏಕಾದಶಿಯಂದು ವಿಶ್ರಮಿಸಿ, ದ್ಷಾದಶಿಯಂದು ಪುಣೆಯಿಂದ ಹೊರಟು, ಸುಮಾರು ೨೦ ದಿನಗಳ ಪ್ರಯಾಣದ ನಂತರ ಆಷಾಢ ಏಕಾದಶಿಯಂದು ಪಾಲಖಿಗಳು ಪಂಢರಾಪುರವನ್ನು ತಲುಪುತ್ತವೆ.

೨೦೦೭ರ ಸಾಲಿನ ಯಾತ್ರೆಯು ೦೭-೦೭-೨೦೦೭ ರ ಶನಿವಾರದಂದು, ಸಂತ ತುಕಾರಾಮರ ಪಾಲಖಿಯ ಪ್ರಸ್ಥಾನದೊಂದಿಗೆ ಪ್ರಾರಂಭವಾಯಿತು. ೦೮-೦೭-೨೦೦೭ ರ ಭಾನುವಾರದಂದು, ಸಂತ ಜ್ಞಾನೇಶ್ವರರ ಪಾಲಖಿಯು ಯಾತ್ರೆಯನ್ನು ಪ್ರಾರಂಭಿಸಿತು. ೦೯-೦೭-೨೦೦೭ರ ಸೋಮವಾರ ಸಂಜೆ ಎರಡೂ ಪಾಲಖಿಗಳು ಪುಣೆ ನಗರವನ್ನು ಪ್ರವೇಶಿಸಿದವು. ಭಕ್ತಿ ರಸ ಉಕ್ಕಿ ಹರಿದು, ವಾರಕರಿಗಳ ಗಾಯನ, ತಾಳ, ಮೃದಂಗ ವಾದನಗಳೊಂದಿಗೆ ಮತ್ತಷ್ಟು ಉತ್ತುಂಗಕ್ಕೇರಿತ್ತು.

ಚಂದ್ರ ತಾರೆಯ ತೋಟ.....

ಚಂದ್ರ ತಾರೆಯರ ತೋಟಕೆ ಹೋಗಿ
ಅಲ್ಲಿ ಆಟವ ಆಡೋಣ
ಮೋಡದ ಮೇಲೆ ತೇಲುತ ನಾವು
ದೂರದ ತೀರಕೆ ಹೋಗೊಣ

ತಾರೆಗಳಂತೆ ಜಾರುತ ನಾವು
ಬೇರೆ ಲೋಕಕೆ ಹೋಗೊಣ
ಅಲ್ಲಿ ಸೂರ್ಯನ ಹುಡುಕಿ ನಾವು
ನಮ್ಮೂರ ಬೆಟ್ಟಕೆ ಕರೆತರೋಣ!

ಚಂದ ಮಾಮನ ಬೆಳ್ಳಿಯ ಬೆಳಕಲಿ
ನಲಿಯುತ ಊಟವ ಮಾಡೋಣ
ಚಲಿತ ಚಕೋರನ ಚಿಲಿ-ಪಿಲಿ ಹಾಡನು
ಮೌನದಿ ಮರೆಯಲಿ ಕೇಳೋಣ!

ಚುಕ್ಕಿಗಳಂತೆ ಮೋಡದ ಮರೆಯಲಿ
ಕಣ್ಣುಮುಚ್ಚಾಲೆ ಆಡೋಣ
ತಿಂಗಳ ಬೆಳಕಲಿ ತುಂಬಿದ ಚಂದಿರನಂತೆ
ಸಂತಸದಿಂದ ಕುಣಿದು ನಲಿಯೋಣ.

ಮಾಮನ ಊರಿಗೆ ಹೋಗುವ ಮೋಡಕೆ
ಗುಟ್ಟನು ಹೇಳಿ ಕಳಿಸೋಣ
ಅತ್ತೆ ಮಾಡಿದ ತುಪ್ಪದ ಹೋಳಿಗೆ
ನಮಗೂ ಕಳಿಸೆಂದು ಕೂಗಿ ಹೇಳೋಣ

ಅಮ್ಮ ಮಾಡಿದ ಉಂಡೆಯ ಕದ್ದು
ಚಂದ್ರ ತಾರೆಯರಿಗೆ ಹಂಚೋಣ
ಚಂದ ಮಾಮನ ಕಥೆಯನು ಕೇಳುತ
ನಿದ್ದೆಯ ಜಾಡನು ಹಿಡಿಯೋಣ.

ಕುಮಾರ ಸ್ವಾಮಿ.
ಪುಣೆ.
೧೪/೦೬/೦೭

'Mungaru Maley' in Pune

'Mungaru Maley', the blockbuster Kannada movie, which opened in Pune on 11th June, 2007 has been going strong in the 5th Week.

March of 'Mungaru Male' in Pune

* 11th to 14th June, 2007

E-Square, 8.50 PM

* 15th June, 2007 - 21st June, 2007

City Pride (Satara Road) - 10.00 AM
Apollo - 12.30 PM
Vijay - 3.30 PM, 6.30 PM, 9.30 PM


* 22nd June, 2007 - 28th June, 2007

City Pride (Satara Road) - 10.00 AM, 3.00 PM
City Pride (Kothrud) - 8.00 PM
E-Square - 7.45 PM
Apollo - 12.30 PM
Vijay - 3.30 PM
Mangala - 10.00 AM

* 29th June, 2007 - 5th July, 2007

City Pride (Kothrud) - 5.30 PM
Vijay - 12.30 PM

* 6th July, 2007 onwards

Adlabs (Chinchwad) - 5.30 PM
Vasanth - 12.30 PM